Trines Gartneri

Trines Gartneri blei etablert i 2006. Gartneriet er gjenbruksmateriale frå Sjøens Gartneri på Åkra. Her skulle ny bebyggelse til, så drivhuset blei demontert og flytta til Stava.

Økologisk

Ideen til å driva økologisk, fekk eg då eg las til eksamen innan Gartneri og Hagebruk, og kom til sprøyting mot skadedyr. Skal ein sprøyta mot skadedyr, må ein ha sertifisering for å handtera sprøytemiddelet. Ein må dekkje til kroppen og gjere det til spesielle tider; når det er minst mogleg bier ute. Dette skal då sprøytast på frukt og grønsaker, og etter ei stund så skal dei etast?! Eg klarte ikkje heilt å sjå logikk i dette og byrja å dyrka økologisk heime hjå meg sjølv.

Nå er all produksjon i gartneriet økologisk, både sommarblomar, frukt, grønsaker og urter. Mange ser ikkje heilt poenget med å dyrka sommarblomar økologisk, men eg veit faktisk om fleire gartnarar som har jobba i drivhus og har blitt løysemiddelskada p.g.a. diverse sprøyting på sommarblomar. Så om ikkje berre av omsyn til planta og miljø, så òg av omsyn til meg sjølv og mine, vil eg ha alt økologisk.